Om løysing

Eg har valt å redesigne Firda, som er ein regional avis som held til i Sunnfjord. Avisa vart grunnlagt i 1917 som eit bygdeblad, men voks raskt til å i dag dekke Sunnfjord, Kinn, Hyllestad, Gulen, Solund, Askvoll, Fjaler, Gloppen og Høyanger.

Det var viktig for meg å gje avisa ein meir eige utsjånad, sida dei i dag er ganske stilistisk lik mange andre aviser også eigd av mediekonsernet Amedia. Avisa har fått eit eige, ­moderne og luftig design som gjer det meir oversiktleg å lese, og gir bileta plass til å skine.

Logoen tek utgangspunkt i dagens logo, men med ein meir konsekvent, grotesk skrift. Fargen har blitt tatt nærmare den historiske blåfargen Firda hadde frå 90-talet til 2011, sida dette er fargen mange enda assosierer med Firda og denne står meir ut blant konkurrentane til avisa.

Den nye avisa har eit tydleg hierarki av overskrifter. Eg har valt å reintrodusere antikva på overskrifter for at avisa skal stå i stil med nettavisa si. Inngangar i layout er også redesigna, og gir no artiklane fleire moglegheiter til å vekke interessa til ­lesarar. Fargar er brukt for å gjere navigasjonen mellom sek­sjonane enklare. Denne fargen går igjen i form av aksentfargar inni ­artiklane, seksjonsindikator under kolumnetitlar, og i ­byrjinga av ingress.