BOKDESIGN / ILLUSTRASJONER
Doppler-trilogien
Emne
IDG3010 Emballasjedesign
Semester
5. semester, haust 2022
Verktøy
Adobe Illustrator, Adobe InDesign, Adobe Dimension, Blender
Om løysing
For dette prosjektet har eg designa eit nytt konsept for Erlend Loe sine romanar om Andreas Doppler. Første bok kom ut i 2004, og dei to siste kom ut i 2013 og 2015. Bøkene tek for seg ein familiemann som brått får ein openbaring og bestemmer seg for å forlate samfunnet og flytte ut i skogen. Bøkene er humoristisk skrevet, og prega av samfunnskritikk og sterke meiningar om verda, absurde situasjonar, og eksistensielle spørsmål.
Eg valde å illustrere bøkene sjølv med motiv inspirert av handlinga og hovudkarakteren si indre reise gjennom serien. Illustrasjonane og skrifta er tydleg handteikna og røffe rundt kantane, i stil med den personlege og humoristiske forfattarstemma i bøkene.
Oppsummering av brief
Redesign av ein fritt valt bokserie i hardcover på minimum tre bind. Innlevering skal bestå av smussomslag, perm og forsats, samt ei beskriving av val relevant til papirkvalitet, innbindingsløysing og -materiale.
Eg gjorde ein analyse av eksisterande bokomslag for desse bøkene, andre bøker av Erlend Loe, og andre forfattere i samme sjanger. Eg identifiserte trekk som eg ønska å leike med, og trekk eg ville unngå.
For slike prosjekt, finner eg det hjelpsamt å skisse eit stort utval av små thumbnails for å raskt få ut ulike idear og komposisjonar for vidare arbeid seinare. Dette gjekk samtidig som eg lagde ein analyse av bøkene og noterte meg kvaliteter ved teksten, sjangerkonvensjonar, særpreg til forfattar og spesefike scenar, motiv eller objekt som kunne brukast på omslag.
Etter eg hadde ein solid bank av idear på papir, gjekk eg over til digitale skisser. Her lekte eg meir med fargar og detaljer. Eg begynte også ordentlig på typografien, og leita etter ein skrift med same, handteikna preg som illustrasjonane mine.
