REDESIGN / EMBALLASJEDESIGN
Rørosmeieriet
Emne
IDG3010 Emballasjedesign
Semester
5. semester, haust 2022
Verktøy
Adobe Illustrator, Adobe InDesign, Adobe Dimension, Blender
Om løysing
I dette prosjektet valte eg å redesigne Rørosmeieriet sin økologiske mjølk, rømme, smør og fløyte. Designprosessen min begynte med å analysere plassen til Rørosmeieiret på den norske marknaden, aktuelle konkurrentane, og utforske kva moglegheiter eg hadde for å skape noko nytt og leikent.
Sluttproduktet tek inspirasjon frå naiv stil, folkekunst, Scandinavian design og leiken minimalisme. Eg har følgt norske fargekonvensjonar for produkta for å unngå forvirring og irritasjon i salskontekt, men leika med bruk av bilete og stil. Produkta har fått ein sterkare hyllekraft ved hjelp av den avgrensa fargepaletten, prioriteringa av luft på flatene, og dei sjarmerande, illustrerte landskapa som ved første augekast minner om skvulpande mjølk.
Oppsummering av brief
Oppgåva går ut på utvikle eit nytt visuelt uttrykk for emballasjen til Rørosmeieriet. Det nye uttrykket skal visast på fire fritt valte produkt frå sortimentet til Rørosmeieriet. Oppgåva går berre på redesign av trykk på pakningane, ikkje på form og materiale, så desse skal stå uendra.
Rørosmeieriet ynskjer å bli meir attraktive blant yngre menneske, ein målgruppe som i aukande grad legg vekt på verdiar lik dei Rørosmeieriet allereie står for. Dei kan heller ikkje svikte dagens kundar eller svekke inntrykket av tradisjon, autensitet og natur.
Designprosessen min begynner alltid på papir for å få ut første runde med idear. Eg viste eg ville lage mine eigne illustrasjonar til dette prosjektet, og at dei måtte vere autentiske, leikne og ha røter i tradisjon.
Eg begynte veldig bredt med komposisjon og plassering av objekt, og prøvde å omsetje nokre av ideane mine frå papir til digitalt. Eg eksperimenterte mykje med negative og positive flatar, sida fargepaletten på produkta er ganske avgrensa. I dette prosjektet var det spesielt viktig å testtrykke mykje for å sikre riktige størrelsar på alle element.
